صباح الخير

sabahelkheir56@yahoo.com

رئيس مجلس الإدارة
عبد الصادق الشوربجي
رئيس التحرير
طارق رضوان

بـحـث

أهم الأخبار

الأخبار

تناتيش فى مدح جمال عبد الناصر

34 مشاهدة

24 يوليو 2019
الملف إعداد: عبير صلاح الدين



كتب: عبد الرحمن الابنودى

من يمدحه يطلع خاسر
ويشبروله أيامه
يعيش جمال عبد الناصر
يعيش بصوته وأحلامه
فى قلوب شعب عبد الناصر
مش ناصرى ولا كنت فى يوم
بالذات وف زمنه وف حينه
لكن العفن وفساد القوم
نسانى حتى زنازينه
 فى سجون عبد الناصر

ازاى ينسينا الحاضر
طعم الاصالة اللى فى صوته
يعيش جمال عبد الناصر
يعيش جمال حتى فى موته
ماهو مات وعاش عبد الناصر

اسمه جمال وجميل فعلا
ياما شجعان خوافة
عظيم وكان انسان طبعا
المجد مش شغل صحافة
عشان ده عاش عبد الناصر

أعداؤه كرهوه ودى نعمة
من كرهه أعداؤه صادق
فى قلبه كان حاضن أمة
وضمير وهمة ومبادئ
ساكنين فى صوت عبد الناصر

ملامحنا رجعت بعد غياب
دلوقتى بس اللى فهمناه
لا كان حرامى ولا كان كداب
ولا نهبنا مع اللى معاه
أنا باحكى عن عبد الناصر
 
عشنا وياه الحياة كالحلم
فلا فساد ولا رهن بلاد
يومها انتشينا ثقافة وعلم
وف زمنه ما عشناش أحاد
كنا جموع فى زمن عبد الناصر

كان الامل فى  خضرته بكر
ومافيش للقوت والمال
ومصر ابطال ورجال فكر
ومثقفين ستات ورجال
جيوش عبد الناصر

كان الهلال فى قلبه صليب
ولا شفنا حزازات فى بلادنا
ولا شفنا ديب بيطارد ديب
ولا جرس خاصم مدنة
وحدنا صوت عبد الناصر

دفعنا تمن الحرية
مش بدينار ودولار
 يوم وقفته فى المنشية
خلى الرصاص يهرب من عار
اعداء عبد الناصر

رغم الحصار كنا احرار
وفى الهزيمة الشعب ما جاعش
كان اسمها بلد الثوار
وقرار زعيمها ما بيرجعش
قرار جمال عبد الناصر

خلى بلاده أعز بلاد
ليها احترام فى الكون مخصوص
لا شفنا وسط رجاله فساد
ولا خطط سمسرة ولصوص
كان الجميع عبد الناصر

لولاه ما كنت اتعلمتم
ولا بقيتوا دراكولا
ياللى انتوا زعما وانجازكوا
دخلتوا مصر الكوكاكولا
وبتشتموا فى عبد الناصر

لو هاكتبك ما تساع اقلام
ولا كلام غالى وأوراق
الامر كله ومافيه.. انا مشتاق
فقلت أسلم عليك وأنام نومة جمال عبد الناصر
 



التعليقات



بقلم رئيس التحرير

قوة مصر الذكية

فى البدء كانت مصر.. بداية الإنسان والإنسانية.. بداية العلم  والحضارة باختلاف المسميات العلمية للحضارات كانت مصر هى المهد ..

اشترك بالنشرة الاخبارية

الاسم
:
البريد
:
   
RSS TwitterFacebook