صباح الخير

sabahelkheir56@yahoo.com

رئيس مجلس الإدارة
عبد الصادق الشوربجي
رئيس التحرير
طارق رضوان

بـحـث

أهم الأخبار

الأخبار

إزاى تعرف أنها «وحشة» قبل ما تشوفها

122 مشاهدة

18 ديسمبر 2018
كتب : شريف الدواخلي



الكثير من الفتيات يضعن صوراً لبيبهات، أو صوراً لموديلز «زى القمر» وهى «حاجة تانية خالص»، و«الواد الغلبان من دول» يقنع نفسه أن الموديلز هى اللى بتكلمه مع قليل من «الحسوكة» ... وترسم عليه دور «الأيا أيا» وهى من أى منطقة شعبية.  
المهم عزيزى الشاب «المغرر به» هديلك الوصفة السحرية عشان تعرف الهانم اللى بتكلمها شات سواء على الفيس أو الماسنجر أو SKYPE أو ما شابه وحشة قبل لما تشوفها.
ببساطة «فى شوية جمل لو قفشت فى واحدة فيهم أوعى تكمل كلام معاها زى».
- أنا مش حلوة ولا وحشة، عادية يعنى،  ناس بتشوفينى حلوة وناس بتشوفنى عادية «فى المرحلة دية يامعلم هى بتحاول تعيش فى دور المتواضعة».
- الجمال جمال الروح، ومش كل الناس بتشوفنى بنفس العين «هنا بقى هى ضايعة خالص وعشان ملقتش جمال شكل اخترعت قصة جمال الروح، وهو أنت هاتشوف روحها إزاى أصلًا»
- أنا بيتقدم لى كتير على فكرة عشان يتجوزونى بس أنا مش عاوز أتجوز أى حد، وفى روايات أنا مستخسرة نفسى فى أى حد «دية تبقى على مشارف الثلاثين يامعلم وش وهاتموت وتتجوز أى حد إن شاله المكوجى بتاعهم».
- بص أنا مش تخينة ولا رفيعة بس معقولة يعنى «تبقى ديناصور ومش عاوزة تقولك»
- أهم حاجة فى البنت ثقافتها وسلوكياتها ومظهرها الخارجى «طيب وشكلها يا حاجة».
- أنا مش بيعجبنى الولد اللى بيصبص للبنات وياخد باله من مظهرهم الخارجى بدقة «عاوزاك أعمى يا كبير عشان ما تشوفهاش كويس»
- انت عارف أنا لو بحط ميك آب وأعمل اللى بيعملوه الممثلاث هابقى أحلى منهم دية كلها عمليات تجميل أصلاً.
- انت عارف أنا لو فايقة لنفسى بس وعندى وقت كنت شفت حد تانى خالص.
- آخر حاجة بقى أنها تسرح بيك لما تقولك «أنا ببقى فى البيت حاجة تانية خالص».... ساعتها بقى يا معلم يبقى انت كده هاتلبس رسمى.
وإلى نصائح أخرى عزيزى الشاب.



التعليقات



بقلم رئيس التحرير

تدمير الدول

منذ قديم الأزل، تتعاقب الإمبرطوريات التى تحكم الكوكب، ولكل إمبراطورية سمات ومصالح وأسلوب فى السيطرة. قديمًا كانت بالسلاح وبالج..

اشترك بالنشرة الاخبارية

الاسم
:
البريد
:
   
RSS TwitterFacebook