صباح الخير

sabahelkheir56@yahoo.com

رئيس مجلس الإدارة
عبد الصادق الشوربجي
رئيس التحرير
طارق رضوان

بـحـث

أهم الأخبار

الأخبار

ترانزستور

92 مشاهدة

3 يوليو 2018



من 24 سنة
كنا، ويا سبحان الله، فى سنة 1994
الأغرب بقي
إنه فى السنة دى كان فيه برضه كأس عالم
إنما العادي
إنه فى 27 يونيه سنتها
ألمانيا قابلت كوريا الجنوبية
زى ما قابلتها 27 يونيه السنة دي
وبرضه
كان فـ الجولة الأخيرة لـ المجموعة
وكان فيه تعامل
على إن ألمانيا هـ تفرم عفاريت آسيا
برضه
ألمانيا ما خيبتش الأمل
كلينسمان جونين ومش فاكر مين التالت
الشوط الأول تلاتة/ صفر
لكن فى الشوط التاني
عرف العالم
إن النمور الآسيوية قادمة
ألمانيا
ألمانيا اللى كل رأسمالها اللياقة والدقة
سفوا التراب قدام الترانزستور الصغير
نقص خبرة كيم سين هونج
«كل الكوريين اسمهم كدا»
هو اللى خلى النتيجة تقف عند 3/2
آخر خمس دقايق
كانوا فى الـ 18 بتاعة الماكينات العملاقة
آخر دقيقتين كانوا جوه الـ 6 ياردا
وكور فـ العارضة
وحاجات ما يعلم بيها إلا ربنا
كنت ساعتها 19 سنة
بادئ الكتابة جديد
كان نفسى أكتب مقال ساعتها
عن رمزية الموضوع
إزاى التكنولوجيا الدقيقة بـ تهدد عرش الماكينات العملاقة
بس الحمد لله ما كتبتوش
عشان يبقى فرصة أكتبه النهاردا
قدر ولطف
 



التعليقات



بقلم رئيس التحرير

الطريق الطويل للأمم المتحدة

ما بين القاهرة ونيويورك كان الطريق طويلًا. شاقًا ومؤلمًا. طريق هدم وإزالة رواسب أثقلت ظهر الدولة. وطريق بناء دولة قوية حديثة ت..

اشترك بالنشرة الاخبارية

الاسم
:
البريد
:
   
RSS TwitterFacebook