صباح الخير

sabahelkheir56@yahoo.com

رئيس مجلس الإدارة
عبد الصادق الشوربجي
رئيس التحرير
طارق رضوان

بـحـث

أهم الأخبار

الأخبار

10 أسباب للزواج من «الشاميات» 

290 مشاهدة

9 مايو 2018
كتب : شريف الدواخلي



بدون مقدمات.. ليه بقى «يا سعدك يا هناك ياللى تتجوز شامية»
1- هاتلاقيها كل يوم الصبح زى باقى اليوم، إنما «ناس تانية» ممكن تصحى الصبح تبص فى وشها «تتخض» ولا حاجة أو تفتكر إنك كنت نايم جنب «ابن عمك»
2- مفيش كرش ولا بطن هاتطلع لها بعد الجواز والولادة، «ناس تانية» بتحس إنها بعد 35 بتمشى تكحت فى الأرض «عشان مش قادرة تحرك رِجلها»
3- هتتدلع آخر دلع فى الأكل لأن الشاميات نفسهن فى الأكل خرافة والحلويات هن أصلها و«ممكن بدل ما تحلى تمصمص صوابعها اللى هاتكون أطعم من أى حلويات، بدل ما يجيلك تلبُّك معوى وتتحول لفأر تجارب لـ«ناس تانية» فاكراك لاقى معدتك فى الشارع ومنتظرة كمان إنك تشكرها إنها تعطفت وغدتك أو عشتك»
4- أهم نقطة إنها هاتكون حلوة بجد، من غير مواد حافظة ولا سمركة ولا دوكو، مش محتاجة تحط حاجة أصلا، هى قمر كده لوحدها «بياض وعيون واسعة وعود فرنساوى» يعنى مش محتاج تقولها اغسلى وشك قبل كَتْب الكتاب عشان تتأكد أو تطلب من أبوها شهادة ضمان إنها مش مضروبة
5- الأسلوب فى الكلام.. و«ده لوحده عاوز مجلد، مش هاقولك على الضحك والفرفشة، كفاية تقولك لما تكون زعلانة منك (هيك، أو شو ما بتريد، أو أنا مليحة)»، يا عينى تحس إن فى سيمفونية بتعزف مش شكمان عاوز يتصلح أو آلة صوتها بتغير بحسب «التوقيت الزمانى» يعنى الصبح غير الظهر غير بالليل
6- الأناقة واللياقة والدلع.. و«ديه بقى يضرب بها المثل، ومش هاتكلفك كتير مجرد أى حاجة هاتلبسها هاتنطق عليها، لو لبستْ عباية سودا هاتبقى عليها ولا الفستان السوارية.. يعنى مش محتاجة كوافير ولا دياوله»
7- الحنية والرومانسية.. أهل الشام والسوريات على وجه الخصوص رومانسيات لدرجة ممكن تبهرك.. يعنى بأقل الإمكانيات ممكن تخليلك بيتك جنة.. «شوية إضاءة خافتة وشمع ريحة حلوة.. وفستان وموسيقى هادئة، ورقصة سلو وحضن دافئ.. هاتحس إنك مش هنا أصلا».. «مش التانية اللى تقولها يا حبيبتى وحشتينى تقولك أه طيب أعملك إيه يعنى إنتا لسه فيك نَفَس للحركات ديه يا أخى خُش اتخمد نام أنا تعبانة طول اليوم غسيل ومسح وعيالك طلعوا عين أمى.. ارحمنى بقى وسِبنى أنام»
8- الشاميات مش بيشخروا بالليل.. يعنى هاتنام زى البيبى الصغير فى حضن مامته وهاتعيش إحساس من التوحد والانسجام غير عادى، بعكس إذاعة القاهرة الكبرى اللى هاتعزفلك سيمفونيات «هانى رمزى» فى فيلم «محامى خُلع» ولما تقولها اعملها اللحمية يا حبيبتى، تقولك يا أخى حرام عليك مش قادر تستحمل شخيرى الست سبع ساعات بتوع بالليل
9- بمجرد ما هاترجع من الشغل «كل يوم»، هاتلاقيها مستنياك على أحَرّ من الجَمر، تجرى على الباب تاخدك فى حضنها وتقولك «اشتقتلك» وديه كافية إنها تدوّب أى تعب فى الشغل، ودايمًا تسألك على الأكل اللى بتحبه، إنما التانية لو فكرت بس تعمل لها مفاجأة وتحضنها من ظهرها - لاقدر الله فى المطبخ - تصرخ وتصوّت وتقولك «يووو يا زفت يا أخى إنتا ما بتتهدش.. خضتنى وتقوم لاسعاك بالمغرفة تحرقلك إيدك عشان تحرّم تعمل كده تانى..
01 - لا يمكن تفكر مجرد التفكير إنك تتجوز عليها، لأنها ببساطة عمرها ما هتخليك تنام يوم زعلان منها، «عشان مش هتسيبك عاوز حاجة وهاتكون 4 فى واحد» «عشيقة وأم وزوجة وصديقة».. ناس تانية هتخليك تكره اليوم اللى فكرت فيه مجرد التفكير إنك تتجوز أصلا.
 



التعليقات



بقلم رئيس التحرير

الطريق الطويل للأمم المتحدة

ما بين القاهرة ونيويورك كان الطريق طويلًا. شاقًا ومؤلمًا. طريق هدم وإزالة رواسب أثقلت ظهر الدولة. وطريق بناء دولة قوية حديثة ت..

اشترك بالنشرة الاخبارية

الاسم
:
البريد
:
   
RSS TwitterFacebook