صباح الخير

sabahelkheir56@yahoo.com

رئيس مجلس الإدارة
عبد الصادق الشوربجي
رئيس التحرير
طارق رضوان

بـحـث

أهم الأخبار

الأخبار

الثورة اللى على حق

361 مشاهدة

13 يونيو 2017



إحنا لازم نعمل ثورة على الوضع الحالى
الوضع اللى فيه كلية فنون تطبيقية، اللى هى عمليا داخل حرم جامعة القاهرة، تابعة لـ جامعة حلوان.
جامعة القاهرة ذات نفسها فى الجيزة
جامعة عين شمس بين منشية الصدر والدمرداش
كلية هندسة المطرية جامعة حلوان
شارع التحرير بـ يخترق محافظتين وجزيرة، وزيه شارع 26  يوليو، فى حين إن شارع حسن صبرى مقسوم تلاتة: حسن صبرى - البرازيل - محمد مظهر
نادى الزمالك مش فى الزمالك
الأهلى هو اللى فـ الزمالك
جامعة الدول العربية فى القاهرة
شارع جامعة الدول العربية فى الجيزة
فيه على الأقل 3 عبدالمنعم رياض، وتلاتة البطل أحمد عبدالعزيز، واتنين ترعة السواحل
فيه شارع اسمه مراحق بن عامر، وجنبه شارع يافع بن اليزيد
فيه جامع اسمه غريق الزيت، وشارع اسمه الملك حنفى
مصر هى القاهرة
اللى فيها مصر القديمة ومصر الجديدة والقاهرة القديمة والقاهرة الجديدة
تمثال النهضة فـ ميدان النهضة اللى بينهم وبين مدينة النهضة ييجى بتاع خمسين كيلو
دار السلام غير مدينة السلام، وجامع السلام لا هنا ولا هنا
فيه شارعين قريبين جدا من بعض اسمهم الاتنين شارع الإسراء
جامعة النيل فى منطقة لا يمكن تطل على النيل ولو من الدور الألف
فيه شوارع اسمها الأزهار والأعناب والفواكه
وشوارع اسمها أحمد كامل وأحمد عصمت وحسن محمد
أى شارع / كوبرى / بلا أزرق جديد بـيبقى اسمه الشارع الجديد والكوبرى الجديد والبلا الأزرق الجديد حتى بعد خمسين سنة
يا راجل، ده إحنا البلد الوحيد فى العالم اللى عنده ميدان جواه شارع، مش متفرع منه
ميدان التحرير جواه شارع ميريت باشا
وفـ الآخر يتريقوا على عبد الوهاب لما يغني:
يا وابور قول لى رايح على فين
يا خى نه•



التعليقات



بقلم رئيس التحرير

يا ولدى هذا جيشك العظيم

ولدى العزيز..
 أكتب إليك وإلى كل أبناء جيلك ممن يتعرضون الآن لأشرس وأخطر حرب تمر بها الأجيال وتمر بها البلاد. حرب ..

اشترك بالنشرة الاخبارية

الاسم
:
البريد
:
   
RSS TwitterFacebook