صباح الخير

sabahelkheir56@yahoo.com

رئيس مجلس الإدارة
عبد الصادق الشوربجي
رئيس التحرير
طارق رضوان

بـحـث

أهم الأخبار

الأخبار

المتدين

600 مشاهدة

6 يونيو 2017
كتب : يارا سامي





لكل شخص طبع أو عادة يمكن أن تكون شوكة فى ظهر شريك حياته وأحيانا يصل تأثيرها للأولاد .. كما قالوا سابقا الطبع يغلب التطبع.. فإذا اعتقدت يا صديقى أنك تستطيع تغيير طبع بعد الزواج، فأنت واهم، وغارق فى بحر السراب.
ولنرى ذلك بوضوح فى المناسبات والأعياد وخصوصاً رمضان.
فى هذا الشهر، يظهر المستخبى فمقولة الجوع كافر لم تأت من فراغ.. نجوع، نتوتر، ثم يظهر المستخبى!!
فإذا أخذنا الطباع والعادات المستقرة التى يظهر أثرها فى رمضان.. سنعرف ونعى أن التغيير غير وارد بل مستحيل.. يعنى البخيل يصبح أكثر بخلا والكريم بزيادة يصبح أكثر إسرافا والمدخن يصبح أكثر تمسكا بطبعه ويزيد عليه العصبية كمان والمتدين يصبح أكثر تشدداً، والصايع!! أخ من الصايع فى رمضان.. كل هذه الشخصيات سنشاهد مواقفها فى رمضان وكم المعاناة التى يعانيها أفراد أسرتها.. ولتكون البداية بـ ..




كونك متزوجة من رجل متدين؛ أنت حقا زوجة محظوظة لأن زوجك يتقى الله فيك ويعاملك معاملة الإسلام.. لكن لما زوجك يتدروش ويتقلب لبنى آدم «حنبلى» ويتزمت بالقوى فى رمضان وتلاقى جوزك يطبق الدين بحذافيره لدرجة أن ممكن يقيم عليك الحد.. فعليك أيتها الزوجة أن تكونى حذرة للغاية وتكيفى نفسك وفقا للمعايير الجديدة فى التعامل..

إذا كان زوجك من الكرماء أو بالأحرى ممن يوفون احتياجات المنزل وحضرتك «طقت فى دماغك إنك تسوى الهوايل فى رمضان وتخزنى أكل يكفيكى لشهرين قدام عشان تعزمى عيلتك وصحباته وصحابه هاتلاقى زوجك يخدك من ايديك واتكلم معاكى برفق وقالك تعالى يا سوسن اسمعى الكلمتين دول لعله ينصلح حالك: «راح فين إيمانك؛ هو ده اللى أوصاكى به النبى (ص).. هى دى تعاليم القرآن الكريم اللى احنا بنمشى عليها؛ هو دينك وصاكى بالبذخ والإسراف!!  نسيت قول الله تعالى: «إن المبذرين كانوا إخوان الشياطين..» وقال فى آية أخرى: «كلوا من ثمره إذا أثمر وآتوا حقه يوم حصاده ولا تسرفوا إنه لا يحب المسرفين..» راجعى نفسك يا سوسن واتبعى قول الرسول (ص): «كلوا واشربوا والبسوا وتصدقوا فى غير إسراف ولا مخيلة..»
لما يدخل عليك الشهر الكريم وتيجى تحاولى تتكلمى مع زوجك أثناء ساعات الصيام فتلاقيه بيقفل معاكى فى الكلام ويغض البصر عنك.. فتسألى نفسك هو أنت عملتى ايه يضايقه ماتلاقيش إجابة فترجعى تسأليه مالك يا حبيبى فيه ايه هو أنا زعلتك فى حاجة؟! فيبص لك وبعدين يفتكر أنه صايم فيبص فى الأرض ويقول بصوت مقفول: «مفيش حاجة ولو سمحتى ماتقوليش حبيبى والكلام الفاضى ده احنا فى أيام فضيلة اتقى الله وبدل ما تقعدى تكلمينى شوفى وراكى إيه وخلصيه وبعدها قضى بقية وقتك فى طاعة وذكر الله دى أيام مفترجه قال تعالى: «من أعرض عن ذكرى فإن له معيشة ضنكا».. تيجى تقولى له: «الدين يسر لا عسر وعادى يعنى لما أضحك معاك أنا زوحتك مش صاحبتك وكمان الضحك ليس من مبطلات الصيام»..! يرد عليك: «وإذا رأيت الذين يخوضون فى آياتنا فاعرض عنهم حتى يخوضوا فى حديث غيره.»..  كل ده من مجرد الكلام وضحكة بغرض الترفيه مش مياصة لا سمح الله ما بالك بقى لو جيتى قعدتى جنبه أو ايديك لمست إيديه غصب عنك ساعتها هايحسسك إنك ارتكبت معصية كبرى وحلال فيك الرجم وإقامة الحد كمان فيقول بصوت حاد: «فلا رفث ولا فسوق ولا جدال»..
مش هانتكلم بقى عن الفقرة اللى بتقولى له فيها تعالى نسلى صيامنا ونتفرج على مسلسلات رمضان.. هاتلاقيه بدون مقدمات بيقولك: «إيه يا سوسن اللى بتقوليه ده؛ رمضان شهر عبادة وصوم مش «تسالى»؛ هذبى ملافظك وبعدين بدل ماتتفرجى على التليفزيون قومى صلى لك ركعتين ولا اقرى قرآن واعلمى جيدا «لا خير فى عمل ينهى عن ذكر الله».. وقتها بس لازم تحطى لسانك جوه بقك وتقفلى التليفزيون وتطاوعيه على الآخر وانت بتدعى فى سرك إن ربنا يهديه ويبطل تزمت..
وتذكرى دائما إن كل أما تشوفى جوزك بيتعامل كده فأسلم قرار بالنسبة لك هو التجنب التام «لعل الله يحدث بعد ذلك أمرا»..•



التعليقات



بقلم رئيس التحرير

يا ولدى هذا جيشك العظيم

ولدى العزيز..
 أكتب إليك وإلى كل أبناء جيلك ممن يتعرضون الآن لأشرس وأخطر حرب تمر بها الأجيال وتمر بها البلاد. حرب ..

اشترك بالنشرة الاخبارية

الاسم
:
البريد
:
   
RSS TwitterFacebook