صباح الخير

sabahelkheir56@yahoo.com

رئيس مجلس الإدارة
عبد الصادق الشوربجي
رئيس التحرير
طارق رضوان

بـحـث

أهم الأخبار

الأخبار

جروبز

1294 مشاهدة

5 يناير 2016



ثورة «أدرينالين»

كتبت نهى العليمى:


متستناش حاجة تتغير فى السنة الجديدة، طول ما الناس هى الناس، والتفكير هو التفكير، العيب فينا.. مش فى السنة! بهذه الكلمات الصادمة وآلاف الجمل غيرها والتى تنتقد المجتمع تمتلئ صفحة «أدرينالين» فعلى الرغم من صور العشق والمحبين والأحضان التى تزينها جمل وحكم عن الحب الحقيقي.. تشعر بغضب مكبوت فى معظم ما يكتب عن الناس والمجتمع وما يملأها من معانى بالية أو قيم مغلوطة أو صفات سيئة فيوجهون لهم على الصفحة جملاً كالسهام النارية تصل أحياناً للفجاجة والسب لتنفس عما بداخلهم من مرارة من هذه النوعيات من البشر ووصفوا صفحتهم: »هرلتة ذات مضمون فى واقع عفن« وجعلوا أنفسهم +18.
فتجد على الصفحة نقداً للازدواجية والكذب فمثلاً كتبوا: 99٪ من الرجالة فى مصر بيحبوا البنت «أوبن مايندد (open minded) ولكن 1٪ فقط ممكن يتجوزها»، وتجد حكماً بسيطة ولكنها صادقة «حين تنام وأنت تحتضن خيبة أملك لا تنس فى الصباح أن توقظ أملك وتترك خيبتك نائمة»، «الناس معاك على قد اللى معاك».. «فى فصل الشتاء يمرض البعض بنزلات البرد ويمرض الكثيرون بالحنين».. «اختر رفقة لا تهجرك بعد سنوات، رفقة دافئة تعايرها بالشيب وتعايرك بتجاعيد الزمان».. الشخص اللى عمرك  ما كسرت بخاطره هيكسر كل حاجة فيك مش بس خاطرك».. «المركون على الرف هييجى يوم تمد إيدك ما تلاقيهوش»!
وأعجبت بوصفهم لحال الناس هذه الأيام قائلين: ملامحنا على الانستجرام.. وأفكارنا على تويتر.. ومبادئنا على الفيس بوك.. وكلامنا على الواتس آب.. وصوتنا على الساوند كلاود وبقينا شوية أبليكيشنز فى  حياة بعض!.
والسخرية هى العامل المشترك لمعظم تعبيراتهم عن صدماتهم فى الحياة والبشر حولهم فهناك جمل مثل «معلش هتتعب شوية فى الأول.. بعد كده هتنهار وكل حاجة هتبقا زفت ما تقلقش»!
«إحساس إنك تصحى عايز تغير حياتك للأحسن فتقوم بكل طاقتك وتتقلب على الجنب التانى تكمل نوم.. عشان الكلام دا ما بيأكلش عيش».•

 بنعبر عن الكبت اللى عايشينه

الأدمنز مجموعة من الأصدقاء من جامعات مختلفة سارة خريجة حقوق، وهند هندسة ميكانيكا، وبولس خدمة اجتماعية، وإيهاب خريج حقوق ولكنهم بأسماء أخرى على الصفحة همس.. عنيدة.. مجنون.. بارفيليا.. سارة تقول: »المجتمع متخلف أو الأغلبية العظمى تحديداً فى نظرتهم للبنت والولد كمان واحنا كشباب بنعبر عن رأينا وعن الكبت إللى احنا عايشينه والهدف من الصفحة الثورة على الواقع والعفن الموجود داخل الناس ونظرتهم غير السوية للشباب الفكرة كانت لإيهاب »بارافيليا« ودا اسم مرض نفسى وبعدين دخل بولس وبعدين دخل بولس وبعدين أنا والصفحة لقيناها كبرت، وزاد الإعجاب للبوستات اللى بنكتبها وساعات بنقتبسها وفيه صديقتى بتصميم الرسومات الجريئة اللى بننزلها وياريت كلامنا يعمل فرق مع الناس«.

 



التعليقات



بقلم رئيس التحرير

خطط الإخوان.. هدم الأمة

خونة ومرتزقة وقتلة ولصوص وتجار دين وجهلاء. هذا هو تصنيفهم وتوصيفهم. سرطان زرع فى قلب الأرض المقدسة. لم يطرح سوى الدم والدموع و..

اشترك بالنشرة الاخبارية

الاسم
:
البريد
:
   
RSS TwitterFacebook