صباح الخير

sabahelkheir56@yahoo.com

رئيس مجلس الإدارة
عبد الصادق الشوربجي
رئيس التحرير
طارق رضوان

بـحـث

أهم الأخبار

الأخبار

البقية في حياتي

1226 مشاهدة

21 اكتوبر 2015



مات الفجر..... وبعد العمر
حد لا طاق ولا حب الصبر
رغم الحكم السارية يوماتي
للصابرين جنات الخلد
........
مدحت اسمه.. ونأبه العدل
هم وسعى علشان ما يضل
لكن ضل ..... أكيد واختل
بين أجوبة وسؤال بلا رد
.........
جايين ليه .... وإزاى ومنين
بعد الموت ح نروح على فين
مرة يصلى .. لرب الدين
مرة يتوه ف شكوك الوعد
.......
عاش يتفلسف قال وكأنه
شاعر هايل ومفيش منه
وأصغر قمحة أفيد منه
تملى بطون الفقرا بجد
.......
كان بيفكر نفسه شريف
ولا يوم دور ع التعريف
اللى بيسرق لاجل رغيف
أشرف ولّا سليل المجد؟!
......
لسه شوارع ما عبرهاش
أحلام ياما ما حققهاش
عاش وكإنه لا جه ولا عاش
مهما يعدى طريق يتسد
........
كان بيفكر ....... إن الدنيا
لما يموت ح تكون حاجة تانية
بكا ودموع نزلت وف ثانية
المناديل مسحت ع الخد
......
اللى يفكر نعيه.. بكام
مين ف الآخر .. مين قدام
الجوع كافر ياللا أوام
ناكل لقمة.. الحيل اتهد
........
صلوا عليه حملان ووحوش
لسه اللوحة ناقصها رتوش
أقرب ناس ف جنازته وشوش
نفسها ترجع خايفة البرد
.......


 



التعليقات



بقلم رئيس التحرير

خطط الإخوان.. هدم الأمة

خونة ومرتزقة وقتلة ولصوص وتجار دين وجهلاء. هذا هو تصنيفهم وتوصيفهم. سرطان زرع فى قلب الأرض المقدسة. لم يطرح سوى الدم والدموع و..

اشترك بالنشرة الاخبارية

الاسم
:
البريد
:
   
RSS TwitterFacebook