صباح الخير

sabahelkheir56@yahoo.com

رئيس مجلس الإدارة
عبد الصادق الشوربجي
رئيس التحرير
طارق رضوان

بـحـث

أهم الأخبار

المقالات

نفسى مهرجان سينما الطفل يرجع

63 مشاهدة

9 يناير 2019
كتب : عبير صلاح الدين



أكثر من 20 عامًا رأست فيها مهرجان القاهرة الدولى لسينما الأطفال، منذ بدء أول مهرجان فى عهد الكاتب الراحل سعد الدين وهبة وحتى توقف المهرجان منذ أربع سنوات، حرصت فيها على أن يكون للأطفال أصحاب القدرات الخاصة أفلامهم وأنشطتهم التى يعرضونها فى المعرض الدائم الذى يقام طوال أيام المهرجان.
بعد توقف المهرجان فكرت أن تركز عملها على فنون ذوى القدرات الخاصة، لأن الاهتمام بأنشطتهم مركز بالأكثر على ممارسة الرياضة، وسألت الجهات والدول التى طالما شاركت فى مهرجان سينما الأطفال، هل يمكنهم المشاركة فى تمويل وأنشطة مؤسسة لذوى القدرات الخاصة، فأجاب الكثيرون بالإيجاب، فكانت مؤسسة«أولادنا».
بين قصة أول ملتقى دولى لأولادنا والاستعداد للملتقى الثالث فى فبراير القادم..ومشاعر«أولادنـا» وهم يلتـفون حــول الرئـيس عبد الفتاح السيسى خلال حديثه فى ملتقى«قادرون باختلاف» قبل أيام، وعن أحلام عودة مهرجان القاهرة الدولى لسينما الأطفال، وعن «بيت الأحلام»..دار حوارنا مع سهير عبد القادر.
.......
تحكى صاحبة مؤسسة أولادنا: أول ما بدأنا العمل مع أولادنا- من سن 4 سنوات وحتى 80 سنة ولكل أصحاب التحديات والهمم والقدرات الخاصة- أهالى كتير بدأت تخرجهم من البيوت،« لكن استغربت إن ناس كتير متعلمين كانوا بيسألوا هو إحنا ممكن نتعامل معاهم عادى ..نقدر نكلمهم ونشترى منهم المعروضات، لما عملنا معرض وسوق لمنتجاتهم فى مول كبير».
لم يكن لدىَّ مؤسسة فى البداية، فاستعنت بوزارة الرياضة من خلال الاتحاد الرياضى لذوى الاعاقات الذهنية، وأصبح عدد أولادنا الآن 420، وتمويلنا ذاتى من المجموعة التى تحب هؤلاء الأشخاص، كل المدربين والمعلمين متطوعون، «أرفض أن تبرع بنك أو جهة ما يطلب منى أن أضع شعاره أو ماركته التجارية على تى شيرت أولادنا، لأنى أولادى مش سلعة».
20 يومًا فى الشهر، هى عدد أيام العمل فى المؤسسة، مابين جلسات تخاطب وفنون تشكيلية، وتصوير بالموبايل وجلسات لإدارة الحياة أو لايف كوتشنج للأسر، وإقامة أسواق وغيرها، وكلها مجانية تماما..
«الأهل اللى مضغوطين وتعبانين بيكونوا سبب إن حالة أولادهم لا تتحسن، أشعر بالامهم ومعاناتهم من خلال مشاركاتهم فى المناقشات التى تجرى على جروب فيس بوك مؤسسة أولادنا، وأتدخل أحيانا لإيقاف نقاش محتدم بطريقة وحشة، عشان كده عملنا لايف كوتشنج».
الدمج الحقيقي
ما يميز تدريب «أولادنا» هو دمج أولادنا مع الآخرين، «يعنى لما نتعلم التصوير، بنخرج للحدائق العامة، ولما بنتدرب على الفنون التشكيلية بتكون فى الأماكن السياحية، ولازم أعضاء أولادنا يتعاملون مع الناس فى كل الأماكن وحتى مع السائحين كمان، فى رأيى الدمج المجتمعى أهم من الدمج المدرسي، ولازم يسبقه، عشان لو طفل من ولادنا تعرض للتنمر فى المدرسة يقدر يواجهوا بشجاعة، لأنه هيكون كسر حاجز التعامل مع الناس واتعود عليهم، وهم كمان اتعودوا على التعامل معاه».
أولادنا شاركوا فى ندوة فى مؤتمر «مصر تستطيع بالتعليم»الذى نظمته وزارة الهجرة والمصريين فى الخارج فى ديسمبر الماضى، وشاركوا فى اللقاء التوصيات، وقالت واحدة من البنات خلالها: «أنا مش معاقة، إحنا بنحب وبنعلم الحب..ليه ما تسموناش أصحاب الهمم والقدرات، يعنى لما أتجوز واحد هيجى عشان يكلم واحدة معاقة..لا طبعًا....»
ملتقى الفنون
الكثير «من ألادنا شاركوا فى منتدى شرم الشيخ لذوى القدرات الخاصة الذى نظمته وزارة التربية والتعليم، وأغلب من حضروا ملتقى قادرون باختلاف الذى نظمته وزارة التضامن الاجتماعي، الذى حضره وتحدث فيه رئيس الجمهورية، كانوا من أبناء«أولادنا».
«حسيت إن وقفة الريس واحتضانه للأولاد فيها الشفاء، ممكن يخلى واحد يخف لأنه حقق أمنيته فى إنه شاف الريس واتكلم معاه، التوصيات والوعود اللى وعدهم بها حقهم، لكن اللى هيفضلوا فاكرينه لسنين طويلة هو لمتهم حواليه».
«الفن هو اللى بيساعدهم يطلعوا الطاقة اللى جواهم، الرقص والغناء والرسم والعزف والأعمال اليدوية، فى أول ملتقى نظمناه من سنتين، وهو أول ملتقى دولى لفنون ذوى القدرات الخاصة، كنا مبهورين بمستوى المشاركين اللى جايين من الدول التانية المشاركة، لكن فى السنة التانية أولادنا قدروا ينافسوا، وفى الملتقى الثالث اللى هيكون بعد حوالى شهر، فى منتصف فبراير، هينافسوا بقوة أكثر.
الملتقى تحت رعاية وزارات الثقافة والتضامن الاجتماعى والسياحة والشباب والهجرة ، وسيكون فى المسرح الكبير بدار الأوبرا، بعد أن أقيم فى المرتين السابقتين فى القاعة الكبرى بجامعة القاهرة، بحب أشتغل مع الحكومة..ما أعرفش أشتغل خاص.
ملتقى هذا العام من 15-22 فبراير يشارك فيه 170 ضيفًا من 32 دولة عربية وأوروبية وقبرص والصين وأمريكا واليابان، ويشارك أعضاء أولادنا من 9 محافظات مصرية، بفنون مابين سينما وفنون شعبية وغناء وفنون تشكيلية، استثمرت علاقاتى بالدول من خبرتى فى مهرجان القاهرة لسينما الأطفال، وكل من استجاب للمشاركة يعرف أنى شخصية جادة ومصدر ثقة ومصداقية.  
مهرجان القاهرة الدولى لسينما الأطفال
لا أعرف من أفتى بإيقاف مهرجان القاهرة الدولى لسينما الأطفال، بعد 22 عامًا من بدايته وكان يشارك فيه 50 دولة، نفسى المهرجان يرجع ويكون نصفه لسينما الأطفال ذوى القدرات الخاصة..وأنا تحت أمر بلدي.
بيت يضم أولادنا «بيت الأحلام »
بعد عمر طويل للأم والأب، الكثير من أصحاب القدرات الخاصة، يظلون فى حاجة للمساعدة«بعد الأم ماحدش بيستحمل وأغلبهم بيستقر فى مستشفى أو مؤسسة»، باحلم ببيت يضم كل أولادنا اللى محتاجين مساعدة منزلية، بيت يضم 20 منهم مثلا، بيت حقيقى أسرة وعيلة وحب وحياة جميلة، فيه حمام سباحة عشان يمارسوا الرياضة، وفيه 5 مشرفين ومساعدين يكونوا زى الأم والأب بيحبوا الأولاد دول، مش موظفين، زى اللى شفته فى بلجيكا.



مقالات عبير صلاح الدين :

تخلص من التنمر فى 3 خطوات: إفرد ظهرك وإرفع رأسك وقل: «كم أنا جميل»
«سوشيال ميديا نعم.. سوشيال ميديا لا»
إعلانات الحكومة.. صوت الدولة
أعرف حقوق ابنك.. تاخد خدمة بجودة عالية!
 محاربة الفساد تبدأ من المدرسة
ملف السكان.. همّ ومحتاج يتلم
نقاش علمى جدًا فى قضية حميمية جدًا
حكايات الدكتور جودة
 رسائل الأزهر الشريف..
من يقود حملة «لا لزواج الأطفال»؟
تجربة 8 سنوات تقول: العمل الاجتماعى يحتاج «السيدة الأولى»
أغلقوا هيئة محو الأمية!
عن عالم الإناث الرائع ..
المصريون لا يحبون من يضيّق عليهم
عندى خطاب عاجل إليك..
مطلوب من سيادة الوزير
الفقر ليس سبب سجن الغارمات
فى موسم الجريمة السنوى: تحية لطبيب المستشفى الجامعى بسوهاج
عن موسم التبرعات.. ومعنى الفقر
القضية السكانية فى التجمع الخامس
حدث فى عطلة شم النسيم معركة على فيس بوك تحرّك «الصحة»
الانتخابات أصوات.. وأسئلة
الرئيس لايحتاج محاورا كبيرا
هذه صديقتى.. «أم البطل»
عن الانتخابات وتنظيم الأسرة!
القضاء على ختان البنات قرار سياسى
أ.د.يوسف وهيب: «تنمية» السيسى خفّضت أعداد المواليد
ألو‮.. معاك مكتب رئاسة مجلس الوزراء
الشغل الأول.. أم الكلام
فى الإسكندرية معاش «تكافل» فرصة للبنات فى الثانوى
تحية لعم صلاح
فى المنيا.. الرائدة الريفية تنقذ الطالبة
زوجات على دكة الإعدادى - 3.. طالعة من اسطبل عنتر رايحة الأسمرات
 زوجات على «دكة» الإعدادى «1»
لماذا تبدأ السعودية ويكتفى الأزهر بالإدانة؟
هذا المجتمع القاسى..
حياة وموت ديانا غيرت قوانين الصحافة
فى ذكرى الشهيد هشام بركات: محامى الشعب المدافع عن بنات مصر
ورثنا من الإنجليز الفتنة الطائفية!
بعد 89 عاما: ختان البنات فى امتحانات كليات الطب  
يوميات يتيم: الست دى أمى
انتصار الدولة.. وتقبل المجتمع.. وفرحة البنات
قضية الطفلة ميار فى مجلس النواب
زي الفرحان بنجاحه


التعليقات



بقلم رئيس التحرير

تدمير الدول

منذ قديم الأزل، تتعاقب الإمبرطوريات التى تحكم الكوكب، ولكل إمبراطورية سمات ومصالح وأسلوب فى السيطرة. قديمًا كانت بالسلاح وبالج..

اشترك بالنشرة الاخبارية

الاسم
:
البريد
:
   
RSS TwitterFacebook