صباح الخير

sabahelkheir56@yahoo.com

رئيس مجلس الإدارة
عبد الصادق الشوربجي
رئيس التحرير
طارق رضوان

بـحـث

أهم الأخبار

المقالات

مطلوب من سيادة الوزير

155 مشاهدة

14 يونيو 2018
كتب : عبير صلاح الدين



زى ما بيتصدم سيادة الوزير، لما يبلغ رسميا بإعفائه من المنصب مع التغيير الوزارى، المواطن برضو بيصدم لما وزير ما يبقى فى منصبه فى حكومة جديدة.
مفهوم طبعا ليه المواطن بيصدم ببقاء وزير ما، جاء بسياسات أثرت مباشرة على حياة الناس اليومية، وجعلتها أكثر صعوبة ومعاناة.
لكن غير المفهوم حقا، لما الوزير يكون مصدوما، ويطلع بعدها فى وسائل الإعلام ويقول بحزن وصدمة «أنا كنت فى زيارة ميدانية ولما رجعت المكتب لقيت الفاكس جالى بالإعفاء من المنصب من غير ماحد يقولى السبب».
وعشان مانبقاش عاطفيين ونترك نفسنا لمشاعر الصدمة، ياريت سيادة الوزير يساعد نفسه ويساعد المواطنين بتلبية المطالب التالية:
1- لما حضرتك تكلف بملفات بعينها، ضع لنفسك أهدافا محددة، وأعلن خطتك الزمنية لتنفيذها، لتساعد نفسك وتساعد المواطنين على متابعة تنفيذك للخطة اللى أعلنتها، عشان تعطى لنفسك فرصة لتعديلها حسب ردود الأفعال اللى جاية من الناس.
2- خليك قريب من الناس، اسمعهم..إركب معاهم المترو والأتوبيس والتاكسي، واقف فى طابور العيش أو طابور مكتب البريد، أو طابور التموين، أو أى طابور، وأمشى جنبهم فى الشارع وفى الأسواق، ومتخافش لما يقولوا لك إن الوزير بيستبعد لما بيبقى عنده شعبية.
الحقيقة إن الناس بتفضل تحلف بأيام الوزير اللى بيلاقوه جنبهم فى كل مكان، حتى لما بيترك المنصب، حب الناس له بيخليه يفضل فى مناصب تانية وعمره مابيختفى لا من ذاكرتهم، ولا من وجوده معاهم.
3- اسمح للمجتمع المدنى ومراكز الأبحاث الحكومية والمستقلة والأحزاب وطبعا وسائل الإعلام، إنها تتابع مع سيادتك تنفيذ الخطط والملفات اللى مطلوبة منك، باعتبارهم شركاء، مش باعتبار رأيهم استشارى وصوري.
4- لسانك حصانك..إن صنته صانك، وتذكر إن «اللغة وعاء الفكر»، ومافيش حاجة اسمها «ذلة لسان»، لأن منصب حضرتك منصب سياسى ووطني، لازم تخدم فيه كل الناس وتحط نفسك مكان اللى بتنتقد سلوكهم وأوضاعهم اللى أكيد مش هم اللى اختاروها لنفسهم.
5- تذكر ياسيادة الوزير إن بقاءك مرهون برضا الناس عن سياسات حضرتك، ومراعاتها لظروفهم ولواقعهم، مهما كانت علمية وعالمية ونجحت فى دول كتير، وما تقفلش على نفسك المكتب مع مستشاريك، لأن فى النهاية التطبيق هيكشف إذا كانت رؤيتك حقيقة أم وهم، عشان كده لازم تشوف بنفسك مستشفيات أسوان ومدارس قرى أسيوط والتموين اللى بيتوزع فى قرى شرق النيل فى سوهاج وقنا، وتمشى فى شوارع العشوائيات بالليل، بزيارات مفاجئة بحق وحقيقي، مش على طريقة الفيلم الشهير»الوزير جاي».
6- برضو الناس والموظفين فى وزارتك هيقولوا لك ليه تجارب وزراء سابقين فشلت، فلو مؤمن بنفس التجربة وجدواها، يبقى لازم تعدل فيها وتتجنب إعادة الفشل، عشان تلاقى تعاون حقيقى من اللى حواليك وتقبل من المواطنين.
7- تذكر يا سيادة الوزير إن من سينفذ سياساتك وخططك هم السادة الموظفون، وليس فقط المستشارين والخبراء المقربين، فلازم تخليهم مشاركين حقيقيين فى كل المراحل، لأن لو مش مؤمنين بأفكارك، يبقى هيكون التنفيذ صوري، وهيتكشف بسرعة.
8- وسائل الإعلام شريك ومتابع ومقيم، استفد منها، ولا تخلق منها عدوا تتفرغ لمحاربته.
9- استفد من خبرات الجامعات، واطلب منها استشارات وأبحاثا علمية على المستوى القومي، وأيضا على مستوى المدينة والقرية، فربما اكتشفت خبرات ومساعدين متميزين، وتجارب لم يستفد منها أحد، وربما وجهت البحث العلمى إلى قضايا الواقع، بدلا من رفوف الأبحاث النظرية، وحتما فى النهاية ستكون قراراتك مستندة على واقع.
01- تعامل مع بيوت الخبرة والعلم بشكل مؤسسي، وليس فقط مع أصحاب الثقة، اجمع بين الإثنين، فالفائدة على كل المستويات ستكون أكبر.



مقالات عبير صلاح الدين :

ملف السكان.. همّ ومحتاج يتلم
نقاش علمى جدًا فى قضية حميمية جدًا
حكايات الدكتور جودة
 رسائل الأزهر الشريف..
من يقود حملة «لا لزواج الأطفال»؟
تجربة 8 سنوات تقول: العمل الاجتماعى يحتاج «السيدة الأولى»
أغلقوا هيئة محو الأمية!
عن عالم الإناث الرائع ..
المصريون لا يحبون من يضيّق عليهم
عندى خطاب عاجل إليك..
الفقر ليس سبب سجن الغارمات
فى موسم الجريمة السنوى: تحية لطبيب المستشفى الجامعى بسوهاج
عن موسم التبرعات.. ومعنى الفقر
القضية السكانية فى التجمع الخامس
حدث فى عطلة شم النسيم معركة على فيس بوك تحرّك «الصحة»
الانتخابات أصوات.. وأسئلة
الرئيس لايحتاج محاورا كبيرا
هذه صديقتى.. «أم البطل»
عن الانتخابات وتنظيم الأسرة!
القضاء على ختان البنات قرار سياسى
أ.د.يوسف وهيب: «تنمية» السيسى خفّضت أعداد المواليد
ألو‮.. معاك مكتب رئاسة مجلس الوزراء
الشغل الأول.. أم الكلام
فى الإسكندرية معاش «تكافل» فرصة للبنات فى الثانوى
تحية لعم صلاح
فى المنيا.. الرائدة الريفية تنقذ الطالبة
زوجات على دكة الإعدادى - 3.. طالعة من اسطبل عنتر رايحة الأسمرات
 زوجات على «دكة» الإعدادى «1»
لماذا تبدأ السعودية ويكتفى الأزهر بالإدانة؟
هذا المجتمع القاسى..
حياة وموت ديانا غيرت قوانين الصحافة
فى ذكرى الشهيد هشام بركات: محامى الشعب المدافع عن بنات مصر
ورثنا من الإنجليز الفتنة الطائفية!
بعد 89 عاما: ختان البنات فى امتحانات كليات الطب  
يوميات يتيم: الست دى أمى
انتصار الدولة.. وتقبل المجتمع.. وفرحة البنات
قضية الطفلة ميار فى مجلس النواب
زي الفرحان بنجاحه


التعليقات



بقلم رئيس التحرير

موسـكو

للروس تاريخ طويل وممتد مع مصر. فالدولتان تتشابهان كثيرا فى التاريخ الممتد لآلاف السنين. ولهما حضارات قديمة وقوة ناعمة لها تأثي..

اشترك بالنشرة الاخبارية

الاسم
:
البريد
:
   
RSS TwitterFacebook