صباح الخير

sabahelkheir56@yahoo.com

رئيس مجلس الإدارة
عبد الصادق الشوربجي
رئيس التحرير
طارق رضوان

بـحـث

أهم الأخبار

المقالات

تيران وصنافير مصرية

1225 مشاهدة

24 يناير 2017
كتب : جمال بخيت



زى الأمل فى الحرية
زى الـــــوشوش الخمرية
زى الفراعنة ولعنتهم
تيران وصنافير مصرية
...
زى المسلــــــــــــــــة فــــى ملكوتـها
والموميا عايشة فى تابوتها
وأحـــــــمُس اللى زرع قوتــــــــــها
وفــــــــاز بـــــــــشرف الجنديــــــة
تيران وصنافير مصرية
...
وزى سِــــــرّ قـــــــديـــــم مدفــــــون
فى مقبرة توت عنخ آمون
وكنز مخفى فى بحر قارون
وفَضْلنا ع البــــــشرية
تيران وصنافير مصرية
...
فى الماضى .. ولاّ فى الآتى
فى حياتى .. ولاّ فى مماتى
حكمة .. وشايلاها جيناتى
قبـــــــــل الجـــــــواز والجنــــــسية
تيران وصنافير مصرية
...
وزى دلتا .. ولاّ صعيد
وكل واحة بيوتها جريد
وفرع دمياط .. فرع رشيد
من الأزل .. للأبدية
تيران وصنافير مصرية
...
يا غردقة .. قلبى عشقها
يا بورسعيد .. عمرى ناطقها
يا دنشواى .. على مشانقها
يــــــــــــــا سوهــــــــــــــــــــــــــــــــاج ..
يـــــا نيل ..
يـــــــــــــــــا فواعلية ..
تيران وصنافير مصرية
...
وزى هاجر .. ومقامها
وسعيهــــــا فـ عز ألمها
والمية تجــرى فـ زمزمها
تسقــــــــى الحيــــــاة والحنيـــــــة
تيران وصنافير مصرية
...
وزى فرحى بإنجازى
وزى شيشى وقــــــــزازى
وزى ما نبينا حجازى
وحُـــــــــــب ستــى القبطيــــــــــــة
تيران وصنافير مصرية
...
زى النسيم فى نهار شدوان
والمَيــــّـــة فى خــــــزان أســــوان
رئتين حياة .. نبض وشريان
فردين حمام .. جوَّة الغية
تيران وصنافير مصرية
...
وزى أغنيـــــــــــــة صــــــــــــــــــورة
وجمال بنات المنصورة
وزى صيف المعمورة
والتاج فى مصر الملكية
تيران وصنافير مصرية
...
احفظها مهما العمر يطول
واعشقها زى الهوى ما يقول
غنيها ع الناى والأرغول
«حب الوطن فرض عليّا»
تيران وصنافير مصرية
...
الشعب قام ولاَّ ما قامشى
حَكَم القضا .. أو ما حكمشى
تيران عيونى .. صنافير رمشى
زى الحقيقة الإلهية
تيران وصنافير مصرية
...



مقالات جمال بخيت :

الجامعة .. وحلم العلم
ارفع راسك فوق.. انت صحفى
البحرين .. على جناح الشعر
ألمانيا.. كل شيء في مكانه
السيدة.. ثومة
أنا شاركت فى ثورة 25 يناير
أم الدنيا.. كانت.. وستظل!!
مشروع مدينة الأغانى
لاتسموها «الإسماعيلية الجديدة»!!
قضاة مصر
العلم مفتاح الحياة هذه هى مصر
الاستثمار الأجنبي هل هو الحل.. أم المشكلة؟!
اعترافت عاشق.. في عيد الحب!!
بوست
بوست
بوست
التقصير فى هذا العدد!!
بوست
شعراء صباح الخير
الخروج من حارة النصارى وتدريس التاريخ المسيحى
بوست
2015 عام الملكية الفكرية..
عيد العلم.. وإنصاف المبدعين
بوست
بوست
بوست
بوست
بوست
بوست
بوست
بوست
درسوهم في المدارس..
سوفالدى!
يقول الخبر:
«مصر بتكْبر رغم الصعب»
«صباح الخير».. كوشيه.. والنسخة بخمسة جنيه!!
أسئلة مهمة.. وإجابات أهم
قناة السويس: أسئلة مهمة.. وإجابات أهم
إنجاز ثورة المصريين
ما قلته للرئيس.. وما لم أقله!!
ما قلته للرئيس.. وما لم أقله!! 3
ما قلته للرئيس .. وما لم أقله!!
ما قلته للرئيس.. ةما لم أقله!!(1)
البحث عن الصبوحة!
«الدولة» و«الثورة» وحق التظاهر
وزير الأوقاف.. نتشرف بك.. ولكن!!
الإرهاب.. والإجراءات الاستثنائية!!
هل تفعلها حكومة الببلاوى؟!
اتفاقية العار.. وبراءة الحنجوريين!!
يا حماس.. للصبر حدود.. بلا أنفاق !
الفتوى
بالذمة
يا قلب عمار الشريعى
يا قلب عمار الشريعى
لماذا أرفض دستورهم؟!


التعليقات



بقلم رئيس التحرير

عندما يكون النضال مدفوعا مقدما

على الباب الخلفى لأحد (الميكروباصات) التى (تمرح) مسرعة فى شوارع القاهرة، عبارة بليغة مكتوبة بخط واضح وصحيح - هناك حالة من الأخ..

اشترك بالنشرة الاخبارية

الاسم
:
البريد
:
   
RSS TwitterFacebook